New, Insurance, Public, Government, Daily, Property, Rents

جماعت اسلامی کے زیر اہتمام کشمیر پر آل پارٹیز کانفرنس

جماعت اسلامی کے زیر اہتمام کشمیر پر آل پارٹیز کانفرنس نےحکومت سے مستقل وزیر خارجہ کی تعیناتی اور مسئلہ کشمیر پر موثر سفارت کاری کا مطالبہ کیا ہے، کانفرنس میں حکومت کی عدم شرکت پر سراج الحق نے ناراضی کا اظہار کیا ۔

جماعت اسلامی کے زیر اہتمام کشمیر پر آل پارٹیز کانفرنس کے اعلامیہ میں حکومت سے مستقل وزیر خارجہ کی تعیناتی اور مسئلہ کشمیر پر موثر سفارتکاری سے اقوام متحدہ اور عالمی قوتوں کو بیدار کرنے کی اپیل کی گئی،بھارت سے حریت قائدین کی رہائی،بھارتی فوج کے انخلاء کا مطالبہ کیا گیا۔

اعلامیے میں عالمی انسانی حقوق کی تنظیموں سے بھارت پر دبائو کے ذریعے پیلٹ گن کے استعمال پر پابندی سمیت زخمی نوجوانوں کے طبی علاج کی اپیل کی گئی۔امیر جماعت اسلامی سراج الحق نے کہا کہ اقوام متحدہ کے نامزد سیکرٹری جزل کو مسئلہ کشمیر میں کردار ادا کرنے کے لیے ای میل کیمپین کا آغاز کردیا ہے۔ انہوں نے کہا کہ حکومت نے کانفرنس میں شرکت نہ کر کے منفی پیغام دیا ہے ۔


loading...